उदयपुर में भारी बर्फ़बारी – बन गया कश्मीर
अबार बालाजी ऊं वात वी
मैं क्यों कई बालाजी
यो सियाला ऊं डारेक्ट चौमासो
यो भी ठीक पण अबरके
असो कई सिस्टम हेक वियो आपरो
यो राजस्थान रो कश्मीर है
भारत रो कोई नी
अटे बरफ कई कांम पाड़ी
मां सब तो डापाचूक वेग्या
बालाजी क्यो देख राधारानी
था उदेपर वाला री डीमांड घणी ही
बस बरफ री कमी है बाकी उदेपुर कश्मीर है
राम जी क्यो एक ट्रक बरफ रो
मेवाड़ उपरे नाक दो।
मैं क्यो वा ओ वा बालाजी म्हारा
कई वेण्डा किदा
बापडा़ वींद पणता टेम
कोट पेरे के रैन कोट ।
ने वरातिया री तो वात मती पूछो
जीमे तो कितर
तापड़ा में मुण्डो गाले के थाली
हमज नी आईरो
ने सबूं मोटी वात
बरफ मे पेरवा रा गाबा
तो माणे पा हे ई कोईनी
थोडो़ तो विचार करो हुकुम
बालाजी पेला तो जोर ऊं हास्या पछे क्यो
मूं जाणू भाया था मेवाड़ रा मनक
थाणी वाता ने गदेड़ा री लातां
कदी जस नी है ।
ओर केवो उदेपुर ने कश्मीर
